Böyük şəhərin işıqları

Kimsəsiz avara küçədə gül satan gözdən əlil gənc qızla qarşılaşır. Qız təsadüfən bu yoxsul insanı varlı və nüfuzlu bir cənab zənn edir, avara isə bu yanılmanı pozmaq istəmir.

Bir müddət sonra qəhrəman öyrənir ki, xüsusi cərrahiyyə əməliyyatı sayəsində qızın görmə qabiliyyətini bərpa etmək mümkündür. Sevdiyi insanın yenidən görməsi üçün o, tələb olunan məbləği toplamaq məqsədilə hər yola əl atır.

ABŞ istehsalı olan 1931-ci ilin "City Lights" («Böyük şəhərin işıqları») filminin rejissoru və baş rol ifaçısı Çarlz Çaplindir. Ekran əsərində həmçinin Virciniya Çerrill, Harri Mayers, Al Ernest Qarsia və Henk Mann kimi aktyorlar yer alıblar.