Mənsiz həyatım

İyirmi üç yaşlı Enn işsiz həyat yoldaşı və iki qızı ilə birgə sadə günlər keçirir. Qadının ailə mühiti də gərgindir: anası ətrafdakılara nifrət bəsləyir, atası isə son on ili həbsxanada keçirib. Gənc ana gecələr universitet binasında təmizlikçi işləyir və gündüzlər bu elm ocağının qapısından belə keçməyə cəsarət etmir.

Həkimlərin qoyduğu ölümcül diaqnoz onun adi axarla gedən günlərini tamamilə sarsıdır. Həkimlər qadına cəmi iki-üç aylıq ömrünün qaldığını bildirirlər. Bu amansız həqiqətlə üzləşən Enn qalan qısa vaxtı fərqli dəyərləndirməyə və həyat tərzini büsbütün dəyişməyə qərar verir.

«My Life Without Me» filmi 2002-ci ildə İspaniya və Kanada kinematoqrafçılarının birgə istehsalı ilə ekranlara çıxıb. Dram janrında olan filmin rejissoru İzabel Koyşetdir. Əsas rolları Sara Polli, Amanda Plammer, Skott Spidman və Leonor Uotlinq canlandırıblar.