Hələ sabah var

1940-cı illərin ortalarında Roma müharibədən sonrakı çətin dövrü yaşayır. Delia üç uşağına baxır, ev işləri görür və tapdığı hər xırda işdə çalışaraq ailəyə kömək etməyə cəhd edir. Lakin o, evdə qəddar əri İvanonun fiziki və mənəvi təzyiqləri altında yaşamaq məcburiyyətindədir.

Bu ərəfədə ailə böyük qızları Marçellanın varlı bir gənclə nişanına hazırlaşır. Hamı bu izdivacın qız üçün firavan bir qapı açacağına inanır. Gözlənilmədən əlinə çatan sirli bir məktub isə Delianın içindəki ümidi oyadır və onu hər şeyi dəyişməyə sövq edir.

2023-cü ildə İtaliyada çəkilən «C'è ancora domani» filmi tarixi dram və komediya janrlarını birləşdirir. Layihənin rejissoru və baş rol ifaçısı Paola Kortellezidir; ekran əsərində həmçinin Valerio Mastandrea, Romana Maccora Verqano və Emanuela Fanelli çəkiliblər.