Ən gözəl illər

«Gli anni più belli» filmi 1980-ci ildən müasir dövrə qədər olan qırx illik bir dövrü əhatə edir. Hekayə Paolo, Rikkardo və Culio adlı üç dostun, eləcə də Paolonun sevgilisi Cemmanın həyat yolu üzərində qurulub. İllər keçdikcə gənclər yetkinlik dövrünə qədəm qoyur və fərqli istiqamətlərə yönəlirlər.

Paolo ədəbiyyat üzrə təhsil alaraq müəllimlik fəaliyyətinə başlayır. Culio uğurlu vəkilə çevrilir və keçmiş ideallarını sərvət ilə şöhrətə dəyişir. Rikkardo isə aktyorluqdan jurnalistikaya qədər müxtəlif peşələri sınayaraq özünü axtarmağa davam edir. Bu ərəfədə Neapola köçən Cemma yenidən Romaya, Paolonun yanına qayıdır, lakin sonradan Culio ilə eşq yaşamağa başlayır.

İtaliya istehsalı olan bu dramın rejissoru Qabriele Muççinodur. 2020-ci ildə nümayiş olunan layihənin baş rollarında Pyerfrançesko Favino, Mikaela Ramatsotti, Kim Rossi Stüart və Klaudio Santamariya çəkilib.