İlk baxışdan

Uşaq ikən görmə qabiliyyətini itirən Vircil uzun illər boyu qaranlıq mühitdə yaşamağa məcbur qalır. O, təbiət mənzərələrini, rəngləri və sevdiyi qadının simasını təsəvvür edə bilmirdi. Lakin gənc yaşlarında onun həyatına çətin bir tibbi proseduru həyata keçirməyə razılaşan cərrah daxil olur.

Uğurlu əməliyyat nəticəsində həkim xəstənin görmə duyğusunu bərpa edir. Sarğılar çıxarıldıqdan sonra Vircil ətraf mühiti ilk dəfə öz gözləri ilə müşahidə etməyə və vizual görüntülərlə zəngin yeni reallığa uyğunlaşmağa başlayır.

Amerikanın «İlk baxışdan» (At First Sight) melodram filmi yazıçı Oliver Saksın qeydə aldığı real hadisələr əsasında çəkilib. 1999-cu ildə rejissor İrvin Uinkler tərəfindən lentə alınan ekran əsərində baş rolları Vel Kilmer, Mira Sorvino, Kelli MakGillis və Stiven Veber canlandırıb.