Biri var idi, biri yox idi

Rusiya əyalətində yerləşən və tərk edilmiş qədim bir kənddə cəmi üç nəfər yaşayır: iki tənha yaşlı dost və bu yaxınlarda həyat yoldaşını itirmiş bir qadın. Kişilərdən biri təkliyə son qoymaq qərarına gələrək dul qalmış qonşusuna evlilik təklifi etməyi düşünür.

Lakin digər kəndli dostunun bu niyyəti ilə qətiyyən razılaşmır. O da qadının diqqətini cəlb etmək qərarına gəlir və öz iddiasını irəli sürür. Beləliklə, uzun illərin sadiq yoldaşları qonşu qadının qəlbi uğrunda bir-birlərinə qarşı əsl müharibəyə başlayırlar.

«Biri var idi, biri yox idi» («Жили-были») filmi 2017-ci ildə Rusiya istehsalı olaraq çəkilib. Komediya-dram janrında olan filmin rejissoru Eduard Parridir. Əsas rolları Fyodor Dobronravov, İrina Rozanova, Roman Madyanov və Viktor Suprun canlandırıblar.