Onun son qaçışı

Keçmiş marafon qaçışı üzrə olimpiya çempionu Paul Averhoff ahıl yaşlarında qocalar evinə köçmək məcburiyyətində qalır. Təyyarə bələdçisi işləyən qızı daimi məşğulluq üzündən atasına qulluq edə bilmir. Müəssisədəki darıxdırıcı mühitlə barışmaq istəməyən yetmiş yaşlı idmançı vəziyyəti dəyişməyə qərar verir.

Paul Berlin marafonuna qatılmaq və orada qalib gəlmək məqsədi ilə məşqlərə başlayır. Ətrafdakı bir çox insan onu ağlını itirmiş hesab etsə də, pansionatın digər sakinləri qocanı dəstəkləyir. Keçmiş qələbələri unutmayan qonşuları çempionun yenidən ayağa qalxmasına kömək edirlər.

2013-cü il istehsalı olan «Onun son qaçışı» (Back on Track) filmi idman dramı və komediya janrlarını birləşdirir. Almaniya istehsalı ekran əsərinin rejissoru Kilian Ridhofdur. Əsas rolları Diter Hallervorden, Tatya Zaybt, Hayke Makaç və Katarina Lorens canlandırıblar.