Ən ekzotik Marigold oteli

Bir qrup britaniyalı təqaüdçü qocalıq illərini xərclərin az olduğu Hindistanda keçirmək qərarına gəlir. Onlar yenidən bərpa edildiyi iddia olunan «Marigold» otelinin parlaq reklamlarına inanaraq dinc və qayğısız bir istirahət xəyalı ilə yola çıxırlar. Lakin mənzil başına çatdıqda onları tamamilə başqa bir mənzərə qarşılayır.

Otel təqdim edilən lüks şəraitdən çox uzaqdır və köhnə möhtəşəmliyinin yalnız solğun kölgəsini xatırladır. Ətrafdakı xaos və çətinliklərə baxmayaraq, birgə yaşadıqları hadisələr qəhrəmanların daxili dünyasını dəyişdirir. Keçmişlə vidalaşmağı bacaran qonaqlar yeni mühitdə yenidən sevməyin və həyata sıfırdan başlamağın mümkün olduğunu anlayırlar.

2011-ci ildə ekranlara çıxan «The Best Exotic Marigold Hotel» filminin rejissoru Con Məddendir. ABŞ, Böyük Britaniya və BƏƏ-nin birgə istehsalı olan layihədə baş rolları Cudi Denç, Bill Nayi, Dev Patel və Tom Uilkinson paylaşıb.