Fəhlə qəsəbəsi

Cəbhədən qayıdan əsgər Pleşşeev müharibədə gözlərini itirir və evə tamamilə kor vəziyyətdə dönür. Yeni vəziyyətə alışa bilməyən keçmiş döyüşçü dərdini spirtli içkilərdə unutmağa çalışır. Onun bu asılılığı həyat yoldaşı və yeniyetmə oğlu üçün dözülməz şərait yaradır.

Bir müddət sonra arvadı bu ağırlığa tab gətirməyərək evi tərk edir, lakin oğlu atasını tək qoymur və onun yanında qalır. Onlar bir yerdə həyatlarını davam etdirməyə çalışarkən, Pleşşeevin ordudan tərxis olunan köhnə dostu doğma qəsəbəyə qayıdır.

«Fəhlə qəsəbəsi» adlı sovet dram filmi 1965-ci ildə rejissor Vladimir Vengerov tərəfindən ekranlaşdırılıb. Ekran əsərinin baş rollarında Oleq Borisov, Lüdmila Qurçenko, Nikolay Simonov və Tatyana Doronina çəkiliblər.