Andaaz

Rac və Kacal uşaqlıqdan bəri ayrılmaz dostdurlar. Qız hər zaman təyyarələrə heyranlıq duyur və həyatını yalnız bir pilotla bağlamaq istəyir. Qəlbində ona qarşı gizli hisslər bəsləyən Rac sevdiyi qızın arzusunu gerçəkləşdirmək üçün aviasiya akademiyasında təhsil almağa yollanır. Lakin uzunmüddətli kursları bitirib qayıdanda sevdiyi qadının başqası ilə evlənməyə hazırlaşdığını öyrənir və onun təkidi ilə bu nikaha razılıq vermək məcburiyyətində qalır.

Keçirdiyi sarsıntıdan xilas olmaq istəyən gənc pilot peşəkar hazırlıq üçün Cənubi Afrikaya gedir və bütün vaxtını işinə həsr edir. Burada o, inadkar sevgisi ilə onun yaralarını sarımağa çalışan Ciya ilə tanış olur və evlənməyə qərar verir. Buna baxmayaraq, ilk məhəbbətini unuda bilməyən Rac yenidən Kacal ilə üz-üzə gəlir.

2003-cü ildə Hindistanda istehsal olunmuş «Andaaz» musiqili dram filminin quruluşçu rejissoru Rac Kanvardır. Baş rollarda Akşay Kumar, Lara Datta, Priyanka Çopra Conas və Ractiv Verma çəkiliblər.