Zərf

Sovet yazıçısı Yevgeni Petrovun qəribə bir məşğuliyyəti var. O, xarici ölkələrə məktublar göndərir, lakin dövlətin adından başqa şəhəri, küçəni və alıcının kimliyini tamamilə uydurur. Nəticədə poçt şöbəsi ünvanı tapmır və üzərində xarici markalar ilə xüsusi möhürlər olan kağızlar yenidən sahibinə qayıdır.

Yazıçının bu vərdişi Yeni Zelandiyaya göndərilən növbəti məktubdan sonra gözlənilməz dönüş alır. Uydurma ünvandan Petrova müəmmalı cavab gəlir. Uzaq ölkədən gələn bu xəbər dərhal DTK əməkdaşlarının diqqətini çəkir və onlar yazıçını xarici casusluqda şübhəli bilirlər.

«Envelope» dram və komediya janrlarını birləşdirən qısametrajlı filmdir. 2012-ci ildə ABŞ-da istehsal olunmuş ekran əsərinin rejissoru Aleksey Nujnıdır. Baş rollarda Kevin Speysi, Alanna Yubak, Devid Myunye və Entoni Skordi çıxış ediblər.