Sirlər

Qədim Sfat şəhərində yerləşən dini məktəb qızlara ənənəvi təhsil verir. Ravvin qızı Naomi evliliyi gecikdirmək və dərslərinə davam etmək üçün əlindən gələni edir. Fransa əsilli inadkar Mişel isə xarakterini ram etmək istəyən dindar valideynləri tərəfindən bu tədris ocağına göndərilir.

Rəfiqələr burada rahatlıq və mənəvi təmizlənmə axtaran sirli fransız qadını Anukla tanış olurlar. Yerli mühafizəkar mühit bu qadını qəbul etmir. Anuka kömək etmək istəyən gənc qızlar öz gələcəklərini təhlükəyə ataraq dini adətlərlə şəxsi duyğuları arasında qalırlar.

2007-ci ildə çəkilmiş «Sirlər» (Ha-Sodot) filmi Fransa və İsrail istehsalıdır. Ekran əsərinin rejissoru Avi Neşerdir, baş rollarda isə Fanni Ardan, Anya Bukşteyn, Mixal Ştamler və Adir Miller çəkiliblər.