Qəzəblə geriyə bax

Gənc ailə daxili ziddiyyətlər və daimi gərginlik içində yaşayır. Cimmi Porter həyat yoldaşı Alisonu sevsə də, onunla söhbətlərində davamlı olaraq incidici ifadələr işlətməkdən əl çəkə bilmir. Bu mühitə dözməkdə çətinlik çəkən Alison rəfiqəsi Helena Çarlzın təkidi ilə evdən getmək qərarına gəlir.

Tək qalan Cimmi diqqətini bu dəfə Helenaya yönəldir. Həmin müddətdə Alisonun ərindən gizlətdiyi hamiləlik faciəvi şəkildə uşağın itirilməsi ilə nəticələnir. Ağır itkidən sonra qadın yenidən Porterin yanına qayıdır və Helena aradan çəkilməyin vaxtı çatdığını anlayır.

1959-cu ildə Böyük Britaniyada çəkilmiş «Look Back in Anger» dram filminin rejissoru Toni Riçardsondur. Əsas obrazları Riçard Börton, Kler Blum, Meri Yur və Edit Evans canlandırıblar.