Bizim hekayəmiz

Ben və Keti on beş illik evlilikdən sonra münasibətlərində ciddi sınaqla üz-üzə qalırlar. Kənardan uğurlu görünən bu ər-arvad artıq boşanma ərəfəsinə gəlib çatıblar. Birgə keçən uzun illər iki tərəf arasında gözlənilməz bir soyuqluq yaradıb.

Cütlük nikahlarını xilas etməyə çalışsa da, daxildə yığılıb qalmış qıcıq və narazılıqlar hər fürsətdə yenidən alovlanır. Onlar bir-birini bütün mənfi və müsbət cəhətləri ilə qəbul etməyin yollarını axtarmağa məcburdurlar.

ABŞ istehsalı olan «The Story of Us» filmi 1999-cu ildə rejissor Rob Rayner tərəfindən dram və komediya janrlarında lentə alınıb. Ekran əsərində əsas rolları Brüs Uillis və Mişel Pfayffer, onların övladlarını isə Kollin Rennison və Ceyk Sendviq canlandırır.