Narıncı sevgi

Roman və Katya adlı iki gənc Kiyevin mərkəzində yerləşən mənzildə qeyri-adi bir şərtlə qalmağa razılaşırlar. Əlil arabasındakı ev sahibi onlara maraqlı təklif irəli sürür: o vəfat edənə qədər buradan kənara çıxmamaq. Qaydalara sona qədər əməl olunarsa, cütlük həm bu mənzili, həm də təxminən iki yüz min avro məbləğində mükafatı qazanacaq.

Şəhərdə inqilab baş versə də, fotoqraf olan Roman bayırda baş verənləri lentə ala bilmir. Onların kənar mühitlə yeganə əlaqəsi qapının altından atılan məktublar vasitəsilə qurulur. Şərtləri diktə edən şəxsin QİÇS virusundan əziyyət çəkdiyi məlum olanda və növbəti zərfdən qəhrəmanların tibbi analizlərinin nəticələri çıxanda romantik münasibətlər qorxu ilə əvəzlənir.

Ukrayna istehsalı olan «Narıncı sevgi» melodramı rejissor Alan Badoyev tərəfindən lentə alınıb və 2007-ci ildə ekranlara çıxıb. Əsas rolları Aleksey Çadov, Olqa Makeyeva, Aleksey Vertinski və Vyaçeslav Burlaçko canlandırıblar.