Uğurun şirin qoxusu

Mətbuat agenti Sidni Falko nüfuzlu köşə yazarı Cey Cey Hanseker kimi hər kəsə yuxarıdan baxmaq və insanların taleyini idarə etmək arzusundadır. Lakin Cey Cey ona qəzəblidir, çünki Sidni verilən tapşırığın öhdəsindən gələ bilməyib. O, Hansekerin bacısı Syuzen ilə caz gitaraçısı Stivin münasibətlərinə son qoymalı idi.

Himayədarının etibarını yenidən qazanmaq istəyən Sidni hər yola əl atmağa hazırdır. O, sərt qəzetçinin gözünə girmək üçün cütlüyü ayırmaq naminə müxtəlif intriqalar qurmağa başlayır. Qəhrəman qarşısına qoyduğu bu məqsəd üçün heç nədən çəkinmir.

«Sweet Smell of Success» dram filmi rejissor Aleksandr Makkendrik tərəfindən lentə alınıb. 1957-ci ildə ABŞ-da çəkilmiş ekran əsərində baş rolları Bert Lankaster, Toni Körtis, Syuzen Harrison və Martin Milner canlandırıblar.