Qızmar damda pişik

Böyük Pa kimi tanınan varlı plantator ağır xəstələnir və bu vəziyyət ailədə böyük sərvətin kimə qalacağı məsələsini kəskinləşdirir. Onun sevimli oğlu Brik həyatın dibinə yuvarlanıb, övladı yoxdur və mirası əldə etmək barədə heç düşünmür. Digər oğlu Quper isə çoxuşaqlı ailə başçısıdır və bütün var-dövlətə sahiblənmək xülyasındadır.

Brikin həyat yoldaşı Marqaret isə sərvəti asanlıqla əldən vermək niyyətində deyil. Ərinə xəyanət etdiyinə və onun içkiyə qurşanmasına səbəb olduğuna görə vicdan əzabı çəkən qadın miras uğrunda inadkar mübarizəyə qoşulur. Vəziyyəti dəyişmək üçün o, hamilə olduğunu bildirir və ərini sevdiyinə inandırmağa çalışır.

«Qızmar damda pişik» («Кошка на раскалённой крыше») adlı SSRİ istehsalı olan dram filmi 1989-cu ildə çəkilib. Ekran əsərinin quruluşçu rejissorları Andrey Qonçarov və Yuri İoffedir. Baş rolları Alla Balter, Aleksandr Martınov, Svetlana Nemolyayeva və Tatyana Karpova canlandırıblar.