Xatırla

Həyat yoldaşını itirən səksən yaşlı qoca illərdir saxladığı planı həyata keçirməyə qərar verir. Altsheymer xəstəliyindən əziyyət çəkən qəhrəman unutmamaq üçün düşmənlərinin adlarını barmaqlarına döydürür və gizli saxladığı silahı çıxarır. Onun hədəfi yapon işğalı dövründə ailəsinin məhvinə səbəb olmuş xainləri cəzalandırmaqdır. Həmin şəxslər isə ötən illər ərzində cəzadan qurtulub yüksək vəzifələrə çatıblar.

Yaşı və səhhəti sükan arxasına keçməyə imkan vermədiyindən, o, restoranda birgə çalışdığı gənc iş yoldaşından kömək istəyir. Sadəcə sürücülük edib pul qazanacağını düşünən gənc oğlan bu təkliflə razılaşır. Lakin o, bir neçə ünvana baş çəkərkən qisas cinayətlərinin bilmədən ortaq iştirakçısına çevrildiyini anlayır.

«Xatırla» (Rimembeo) trilleri 2022-ci ildə Cənubi Koreyada ekranlara çıxıb və rejissor Li İl-hyon tərəfindən lentə alınıb. Filmdə əsas rolları Li Son-min, Nam Cu-hyok, Con Man-şik və Pak Qın-hyon canlandırıblar.