Titli

Titli adlı gənc qız məşhur kinoaktyora aşiqdir və bütün xəyallarını ona bağlayıb. Anası ilə birlikdə çıxdığı səfər zamanı gənc qız təsadüfən heyran olduğu bu sənətçi ilə üz-üzə gəlir. Bu gözlənilməz görüş onun üçün böyük hadisəyə çevrilir.

Lakin səfərin yeganə sürprizi bu deyil. Məlum olur ki, həmin aktyorla qızın anası keçmişdən tanışdırlar. Onların bölüşdüyü ortaq xatirələr ailə daxilində gizli qalmış məqamları üzə çıxarır.

Hindistan istehsalı olan dram janrlı «Titli» filminin rejissoru Rituparno Qhoşdur. 2002-ci ildə çəkilmiş ekran əsərində baş rolları Aparna Sen, Mitxun Çakraborti, Depankar De və Konkona Sen Şarma canlandırıblar.