Cənnətə qayıdış

Üç amerikalı dost — Con, Toni və Lüis əyləncə dolu bir tətil keçirmək üçün Malayziyaya yollanırlar. Tropik mühitdə keçən günlərdən sonra Conla Toni evlərinə, Birləşmiş Ştatlara qayıtmaq qərarına gəlirlər. Lüis isə yerli təbiəti və canlılar aləmini araşdırmaq istəyilə adada qalmağı seçir.

Bir müddət sonra polislər dostların kirayələdiyi komada atılıb qalmış narkotik maddələri aşkar edirlər. Ağır yerli qanunlara əsasən həbs edilən Lüisi ölüm hökmü gözləyir. Yoldaşlarının həyatını xilas etmək imkanı isə yalnız vətənə dönmüş Con və Toninin əlindədir.

1998-ci ildə çəkilmiş «Return to Paradise» dramatik trillerinin rejissoru Cozef Rubindir. ABŞ istehsalı olan bu ekran əsərində baş rolları Vins Von, Enn Heç, Xoakin Feniks və Devid Konrad ifa ediblər.