Moskva göz yaşlarına inanmır

Ötən əsrin əllinci illərində əyalətdən paytaxta üz tutan üç gənc qız eyni yataqxanada məskunlaşır. Onların hər biri böyük şəhərdə xoşbəxtlik tapmaq, ailə qurmaq və rahat həyata qovuşmaq arzusu ilə yaşayır.

Zaman keçdikcə rəfiqələrin həyatı tamamilə fərqli istiqamətlərdə davam edir. Antonina sakit ailə səadətini seçərək övlad böyüdür. Lüdmila hər addımını uğurlu bir bəxt oyunu kimi görür və varlı həyat yoldaşı axtarışına çıxır. Sevgisində yanılan Katerina isə çətinliklərə baxmayaraq təkbaşına qızını böyüdür, böyük bir karyera qurur və qırx yaşında gözlənilməz bir tanışlıqla qarşılaşır.

Rejissor Vladimir Menşovun 1980-ci ildə çəkdiyi «Moskva göz yaşlarına inanmır» filmi SSRİ istehsalıdır. Ekran əsərinin baş rollarında Vera Alentova, Aleksey Batalov, İrina Muravyova və Raisa Ryazanova çəkilib.