2 States

Dehlidən olan Kriş ilə Çennaydan olan Ananya tələbəlik illərində tanış olurlar. Tamamilə fərqli mədəni mühitlərdə böyümələrinə baxmayaraq, gənclər bir-birinə aşiq olurlar. Münasibətləri dərinləşdikcə onlar həyatlarını rəsmi şəkildə birləşdirmək qərarına gəlirlər.

Evlilik yolunda cütlüyün qarşısında mühüm bir şərt dayanır: onlar yalnız valideynlərinin razılığı olduqdan sonra toy etmək istəyirlər. İki fərqli adət-ənənəyə malik ailəni barışdırmaq və onların xeyir-duasını almaq gənclər üçün əsl sınağa çevrilir.

2014-cü ildə Hindistanda çəkilmiş «2 States» filmi dram, komediya və melodram janrlarını özündə birləşdirir. Rejissor Abhişek Varmanın ərsəyə gətirdiyi layihədə baş rolları Arcun Kapur, Alia Bhatt, Amrita Sinqx və Revathi canlandırır.