Coğrafiyaçı qlobusu içib batırdı

Maddi çətinliklərlə üzləşən gənc bioloq Viktor Slujkin Perm şəhərindəki adi məktəblərdən birində coğrafiya müəllimi işləməyə başlayır. Şagirdlərlə münasibət qurmaq əvvəlcə çətin olsa da, zamanla onların arasında dostluq yaranır. Məktəbin tədris hissə müdiri ilə isə Viktorun münasibətləri heç cür düzəlmir və davamlı mübahisələrlə müşayiət olunur.

Evdə həyat yoldaşı ilə yola getməyə çalışan müəllim balaca qızını bağçaya aparır və dostları ilə birgə şərab içərək vaxt keçirir. Günlərin birində o, onuncu sinif şagirdlərini çayda qayıqla üzmək üçün təşkil olunan yürüşə aparır.

«Географ глобус пропил» dram filmi 2013-cü ildə Rusiyada çəkilib. Ekran əsərinin quruluşçu rejissoru Aleksandr Veledinskidir. Baş rolları Konstantin Xabenski, Anfisa Çernıx, Yelena Lyadova və Aleksandr Robak canlandırıblar.