12.12 Çevrilişi

1979-cu ilin payızında prezident Pak Çon-hinin qətlindən sonra Cənubi Koreyada fövqəladə vəziyyət elan olunur. Hadisənin araşdırılması Təhlükəsizlik İdarəsinin rəisi general Çon Du-qvana tapşırılır. Ordudakı gizli qruplaşmaya rəhbərlik edən general yaranmış qarışıqlıqdan istifadə edərək rəqiblərini sıradan çıxarmaq qərarına gəlir.

Dekabrın 12-də qiyamçılar dövlət başçısının icazəsi olmadan qərargah rəisini qondarma ittihamlarla həbs edirlər və hərbi çevriliş başlayır. Paytaxt Seulun qiyamçıların nəzarətinə keçməsinin qarşısını almağa isə yalnız şəhər qarnizonunun rəisi Li Te-şin cəhd göstərir.

«Seoul-ui bom» tarixi dram filmi rejissor Kim Son-su tərəfindən çəkilib. 2023-cü il Cənubi Koreya istehsalı olan bu ekran əsərində baş rolları Hvan Con-min, Con U-son, Li Son-min və Pak He-cun canlandırır.