Üzlərinizi həmişə görəcəyəm

«Je verrai toujours vos visages» dramı bərpaedici ədalət proqramının iş mexanizmini nümayiş etdirir. Bu təşəbbüs sayəsində cinayət qurbanları və oxşar qanun pozuntularına görə cəza çəkən məhkumlar bir araya gəlir. Bütün görüşlər mütəxəssislər və könüllülərin müşayiəti ilə təşkil olunur.

Görüş iştirakçıları kədər, qəzəb və inamsızlıq hisslərini aşaraq bir-birlərini dinləməyə çalışırlar. Bu ağır və açıq dialoq zamanı tərəflər arasında qarşılıqlı anlaşma yaranır, keçmişin travmalarından qurtulmaq və rahatlıq tapmaq üçün yeni ümid doğur.

Filmin rejissoru Janna Erridir. Əsas rolları Leyla Bexti, Adel Ekzarkopulos, Dali Benssalah və Elodi Buşe canlandırıblar. Fransa istehsalı olan bu ekran əsəri 2023-cü ildə işıq üzü görüb.