Qrimçi

İkinci Dünya müharibəsi illərində qastrol səfərində olan teatr truppası Şekspirin «Kral Lir» əsərini səhnələşdirməyə hazırlaşır. Kollektivin başında bütün heyətin sadəcə «Ser» adlandırdığı yaşlı və tanınmış bir aktyor dayanır. O, təkcə tamaşa zamanı deyil, real həyatda da əzəmətli obrazını qorumağa çalışır.

Bütün bu cəhdlərə baxmayaraq, o, içkiyə qurşanmış, çətin xasiyyətli bir insana çevrilir və ailə problemlərinin acığını şəxsi geyim köməkçisi Normandan çıxır. Sadiq Norman isə kralın yanındakı təlxək kimi özünü gah avam, gah da çarəsiz göstərərək kumirinin bütün şıltaqlıqlarına və təhqirlərinə səbirlə dözür.

«The Dresser» adlı Britaniya dramını 1983-cü ildə rejissor Piter Yets ekranlaşdırıb. Filmdə əsas rolları Albert Finni, Tom Kortni, Edvard Foks və Zena Uolker canlandırıblar.