Bizim və sizin şərəfinizə

1952-ci ilin payızında Moskvada, Bolşaya Piroqovka küçəsindəki kommunal mənzillərdən birində Petkeviç ailəsi məskunlaşıb. Burada eyni otaqda fəlsəfə professoru Pavel Kazimiroviç, həyat yoldaşı Angelina Fyodorovna, nəşriyyatda çalışan qızları Dina, onun metro inşaatçısı olan əri Boris və məktəbli oğulları birgə yaşayır. Dina ailə qayğıları ilə məşğuldur, yaxşı ərzaq tapmağa və atasının radiosunu təmir etdirməyə çalışır.

Ölkədə isə ab-hava getdikcə gərginləşir və «həkimlər işi» ilə bağlı yeni repressiya dalğası yaxınlaşır. Şübhə və qorxunun artdığı bir dövrdə hər kəsin qapısının döyülmə təhlükəsi yaranır. «Bizim və sizin şərəfinizə» filmi bu narahat dövrün fonunda bir ailənin üzləşdiyi sınaqlardan bəhs edir.

Ekran əsərinin quruluşçu rejissoru Andrey Smirnovdur. 2022-ci ildə Rusiyada istehsal olunmuş dramda əsas obrazları Yuliya Sniqir, Andrey Smolyakov, İrina Rozanova və Aleksandr Ustyuqov canlandırıblar.