Səndən Öncə Mən

Lu Klark avtobus dayanacağından evinə qədər neçə addım olduğunu dəqiq bilir. O, kafedəki işindən məmnundur, lakin sevgilisi Patrikə qarşı hisslərinə tam əmin deyil. İşini gözlənilmədən itirməsi qızı ciddi sınaqlarla üz-üzə qoyur və yeni dolanışıq yolu tapmağa məcbur edir.

Motosiklet qəzasından sonra yaşamaq həvəsini itirən Uill Treynor isə əzablarına birdəfəlik son qoymaq barədə qərar verib. Lakin Lu onun qapalı dünyasına daxil olaraq hər şeyi dəyişir. Bu tanışlıq onların hər ikisinin həyatını və düşüncələrini büsbütün yeniləyir.

ABŞ istehsalı olan «Me Before You» filmi 2016-cı ildə rejissor Tea Şerrok tərəfindən çəkilib. Dram janrlı layihədə əsas rolları Emiliya Klark, Sem Klaflin, Canet Maktir və Çarlz Dens ifa ediblər.