Anaların oğulları

Frenk Higgins və Cerard Kuiqli qanundan gizlənməyə məcbur olan iki dostdur. Gənclərin anaları yaranmış vəziyyəti tamamilə fərqli şəkildə qarşılayır. Frenkin anası Enni heç bir tərəddüd etmədən övladının tərəfini tutur və ona kömək əlini uzadır.

Cerardın anası Ketlin Kuiqli isə tamam başqa bir daxili ziddiyyətlə üz-üzə qalır. Qanunlara riayət etməyə öyrəşmiş qadın yalnız ən kəskin şərait qarşısında daxili baryerini aşmaq, qanunpərəstliklə ana məhəbbəti arasında çətin seçim etmək məcburiyyətində qalır.

«Some Mother's Son» tarixi dram filmi 1996-cı ildə rejissor Terri Corc tərəfindən ekranlaşdırılıb. ABŞ və İrlandiya istehsalı olan layihədə əsas rolları Helen Mirren, Finola Flanaqan, Eydan Qillen və Devid O’Hara canlandırıb.