Madam Ətriyyatçı

Anna Valberq ətir sənayesində böyük şöhrət qazanmış, nadir qabiliyyətə malik bir mütəxəssisdir. O, gündəlik həyatında özünü şıltaq bir diva kimi aparır, ətrafındakılarla münasibətdə isə təkəbbürlü və çətin xarakteri ilə seçilir.

Qadının xidmətinə Qiyom adlı yeni sürücü təyin olunduqda tanış nizam dəyişir. Digər işçilərdən fərqli olaraq, bu sürücü müdirinin təzyiqlərinə baş əymir və onun şıltaqlıqları qarşısında geri çəkilmir. Görünür, qadının onu işdən çıxarmamasının və yanında saxlamasının əsas səbəbi də elə budur.

Fransa istehsalı olan «Les parfums» dram və komediya filmini rejissor Qreqori Man çəkib və ekran əsəri 2019-cu ildə işıq üzü görüb. Layihənin əsas rollarını Emmanuel Devo, Qreqori Montel, Zeli Rikson və Serxi Lopes canlandırıblar.