Məndəki ən yaxşı cəhət

Gənclik illərində bir-birini sevən iki insanın yolları ayrılsa da, keçmişdəki o hisslər hər ikisinin yaddaşında dərin iz buraxır. Zaman keçdikcə onların heç biri gənclik xəyallarındakı həyatı qura bilmir. Həyatlarını dəyişən o ilk məhəbbət aradan illər ötsə belə unudulmur.

Onları yenidən bir araya gətirən səbəb kədərli bir hadisə olur. Vaxtilə onlara sığınacaq vermiş və dəstək olmuş himayədarlarının dəfn mərasimi hər iki qəhrəmanı doğma məkana səsləyir. Bu qayıdış onları yenidən üz-üzə qoyaraq köhnə xatirələri canlandırır.

ABŞ istehsalı olan «The Best of Me» filmi 2014-cü ildə rejissor Maykl Hoffman tərəfindən çəkilib. Dram və melodrama janrındakı ekran əsərində baş rolları Mişel Monahan, Ceyms Marsden, Lyuk Breysi və Liana Liberato canlandırır.