Sevgi ziyafəti

Oreqon ştatındakı kiçik bir şəhərin sakinləri tənhalıqdan qurtulmağın və hisslərini anlamağın yollarını axtarırlar. Onlar ürəklərini professor Harri Skotta açaraq daxili narahatlıqlarını bölüşürlər. Şəhərdə böyük hörmət qazanan filosof başqalarına yol göstərməyə çalışsa da, oğlunun vaxtsız ölümündə özünü günahlandıraraq illərdir dərin kədər içində yaşayır.

Harri ətrafındakı insanların münasibətlər qurmasına, ayrılıqlarla üzləşməsinə və yenidən bağlar yaratmasına şahidlik edir. Bir-birinə bağlanan bu insanların həyatı mürəkkəb bir duyğu zəncirinə çevrilir. Başqalarının sevincləri və qırılan ümidləri qocaman professorun öz keçmişi ilə barışmasına da təsir göstərir.

2007-ci ildə ABŞ-da istehsal olunmuş «The Feast of Love» filminin quruluşçu rejissoru Robert Bentondur. Melodram janrındakı ekran əsərində baş rolları Morqan Friman, Qreq Kinnir, Rada Mitçell və Billi Börk canlandırıblar.