Müqəddəs Vinsent

On iki yaşlı oğlan valideynlərinin boşanmasından sonra çətin günlər keçirir. Yeniyetmə bu gərgin dövrdə qonşuluqda yaşayan yaşlı bir kişi ilə yaxınlaşır. Müharibə veteranı olan bu qoca spirtli içkilərə aludədir, qumar oyunlarını sevir və vaxtını yüngülxasiyyətli qadınlarla keçirir.

Kənardan heç də müsbət təsir bağışlamayan və insanlardan qaçan bu adam tədricən uşağın himayədarına çevrilir. Yaş fərqinə və zərərli vərdişlərinə baxmayaraq, qoca qonşu oğlana həyat dərsləri verməyə başlayır.

ABŞ istehsalı olan «St. Vincent» komediya-dram filmi 2014-cü ildə ekranlara çıxıb. Ekran əsərinin rejissoru Ted Melfidir, baş rolları isə Bill Mürrey, Ceyden Martell, Melissa Makkarti və Naomi Uotts canlandırıb.