Kişi və qadın

Qarlı Finlandiyada baş tutan təsadüfi tanışlıq iki koreyalını bir araya gətirir. Hər ikisinin övladları burada xüsusi məktəbdə təhsil alır. Öz ailələri və öhdəlikləri olmasına baxmayaraq, bu yad insanlar arasında qarşısıalınmaz dərəcədə güclü bir cazibə yaranır.

Şimal ölkəsindəki qısa görüş hər iki qəhrəmanın yaddaşında silinməz iz buraxır. Zaman keçdikdən sonra onların yolları doğma Koreyada yenidən kəsişir. Bu gözlənilməz təmas hisslərin sönmədiyini və onların artıq bir-birlərindən ayrı yaşaya bilməyəcəklərini üzə çıxarır.

«Kişi və qadın» (A Man and A Woman) adlı romantik dram filmi 2016-cı ildə Cənubi Koreyada rejissor Li Yun-gi tərəfindən lentə alınıb. Ekran əsərinin baş rollarını Con Do-yon, Qon Yu, Pak Pyon-ın və Li Mi-so canlandırıblar.