Gözəl həyat

Daha yaxşı şərait tapmaq ümidi ilə Honq Konqdan Pekinə köçən gənc qadın heç kimin maddi köməyi olmadan ayaqda qalmağa çalışır. Lakin böyük şəhərin tənhalığı, sevgilisi ilə yaranan problemlər və spirtli içkilərə meyil onun vəziyyətini getdikcə çətinləşdirir.

Gecə klublarının birində onun yolu yerli polis əməkdaşı ilə kəsişir. Hər gün Pekin küçələrində xidmət aparan bu zabit işdən sonra bütün vaxtını özünə qulluq edə bilməyən kiçik qardaşına həsr edir və keçmiş xatirələrinə görə yenidən ailə qurmaq istəmir. Beləliklə, tamamilə fərqli talelərə sahib iki insanın həyatında yeni bir mərhələ başlayır.

«Gözəl həyat» filmi 2011-ci ildə rejissor Endrü Lau tərəfindən ekranlaşdırılıb. Çin və Honq Konq istehsalı olan bu dramatik lentdə baş rolları Şu Tsi, Lyu Ye, Entoni Von və Tyan Lyan canlandırıb.