Kokteyl

London şəhərinə ərinin yanına yollanan gənc Mira qəfil xəyanətlə üzləşir: həyat yoldaşı artıq onunla yaşamaq istəmir. Heç bir vəsaiti olmayan qız yad bir ölkədə tək qalır. Həyatı əyləncələrdən və partidən ibarət olan fotoqraf Veronika onun vəziyyətinə acıyaraq iş tapanadək öz evində qalmasını təklif edir.

Bir müddət sonra onların mənzilinə otuz iki yaşlı Qautam da daxil olur. Əmisinə baş çəkmək üçün Londona gələn bu gənc qadınlarla münasibətlərə çox yüngül yanaşır. Gecə klubunda Veronika ilə tanış olan Qautam onunla bir gecə keçirir və tezliklə hər üç qəhrəman eyni dam altında yaşamağa başlayır. Bir-birinə bənzəməyən bu üç insanın birgə həyatı dostluq və hisslər arasında sınağa çevrilir.

«Kokteyl» filmi rejissor Homi Adacania tərəfindən dram, komediya və melodram janrlarında lentə alınıb. Əsas rolları Saif Əli Xan, Dipika Padukone, Diana Penti və Dimpl Kapadia canlandırıblar. Hindistan və Böyük Britaniyanın birgə istehsalı olan bu ekran əsəri 2012-ci ildə nümayiş olunub.