Həyatın dibində

Zibil qalağını xatırladan sınıq-salxaq daxmada cəmiyyətin kənara atdığı bir qrup insan sığınacaq tapıb. Burada oğru, fırıldaqçı, fahişə, xəstə arvadı ilə yaşayan tənəkəçi, içkiyə qurşanmış aktyor və keçmiş samuray birgə ömür sürür. Onların hamısı bu dözülməz mühitdən qurtulmaq arzusu ilə yaşasa da, heç cür oradan çıxış yolu tapa bilmir.

Səfil komasına Kyohey adlı bir səyyahın gəlişi mövcud durumu tədricən dəyişməyə başlayır. Yeni qonaq koma sakinlərinin düşüncələrinə dərindən təsir edir. O, bəzən gizlicə, bəzən isə açıq şəkildə hər bir sakini həyat tərzini dəyişmək üçün addım atmağa sövq edir.

1957-ci ildə çəkilmiş «Donzoko» dram filminin rejissoru Akira Kurosavadır. Yapon istehsalı olan bu ekran əsərində baş rolları Toshiro Mifune, Isuzu Yamada, Kyoko Kagawa və Ganjiro Nakamura canlandırıblar.