100 Dinge

Paul və Toni adlı iki yaxın dost böyük bir sərvət qazanmaq ərəfəsindədirlər. Uğurun bir addımlığında olan yoldaşlar mərcə girərək əşyaların onların həyatında heç bir rol oynamadığını sübut etmək qərarına gəlirlər və bütün mülklərini anbara yığırlar.

Qaydalara əsasən, dostlar hər gün anbardan yalnız bir əşya götürmək hüququna malikdirlər. Lakin onların ətrafında cazibədar bir qadın peyda olanda vəziyyət qəlizləşir. Hətta əynində şalvarı belə olmayan gənclər üçün kiminsə rəğbətini qazanmaq olduqca çətin bir sınağa çevrilir.

Almaniya istehsalı olan «100 Dinge» komediya filmi 2018-ci ildə ekranlara çıxıb. Ekran əsərinin rejissoru Florian David Fitsdir, əsas rolları isə rejissorun özü ilə yanaşı Mattias Şvayqhöfer, Miriam Ştayn və Hannelore Elsner canlandırıb.