500 mil

Yeniyetmə Finn valideynlərinin mübahisəsini təsadüfən eşidir və ailənin boşanma ərəfəsində olduğunu öyrənir. Atası ilə anası onu kiçik qardaşı Çarlidən ayırmaq qərarına gəliblər. Qardaşından uzaq düşmək istəməyən Finn İngiltərədəki evlərindən birlikdə qaçmağı çıxış yolu kimi görür.

Uşaqlar İrlandiyanın qərb sahilində yerləşən Dinql qəsəbəsinə doğru quru və dəniz yolu ilə təxminən beş yüz millik səyahətə çıxırlar. Onların əsas məqsədi köhnə münaqişə səbəbindən əlaqələri kəsilmiş qəribə xasiyyətli babaları Conu tapmaq və ondan kömək istəməkdir. Eyni zamanda narahat valideynlər qaçan qardaşların izinə düşərək onları saxlamağa çalışırlar.

«500 mil» dram filminin rejissoru Morqan Metyuzdur. Böyük Britaniya, İrlandiya və Kipr kinematoqrafçılarının birgə istehsalı olan bu ekran əsərində əsas rolları Dirdri Monaxen, Lore Adevusi, Dekster Sol Ansell və Ouen Daffi canlandırırlar.