Ürəyim bərk döyündü

Kartik ilk baxışdan sevgiyə inanmayan gənclərdəndir. Təsadüfi bir qarşılaşma onun bu fikrini tamamilə alt-üst edir və o, gördüyü qıza dərhal vurulur. Əlində yalnız bircə fotoşəkil qalan gənc, həmin gözəlin nömrəsini tapmağı dostlarına tapşırır. Lakin içkinin təsirindən çaşan dostlar rəqəmləri səhv salaraq ona başqa bir nömrə verirlər.

Kartik axtardığı qızla danışdığını düşünərək telefonda tanımadığı Şravaniyə hisslərini açmağa çalışır. Qız əvvəlcə yad birinin zənglərindən təəccüblənsə də, oğlanın təkidli xahişlərinə dözməyərək onunla yalnız telefon vasitəsilə dostluq etməyə razılaşır. Görüşmədən davam edən bu ünsiyyət getdikcə Şravaninin hisslərini dəyişir və o, naməlum həmsöhbətini özünə ən uyğun insan hesab etməyə başlayır.

2013-cü il istehsalı olan «Gunde Jaari Gallanthayyinde» filminin rejissoru Vijay Kumar Kondadır. Hindistan istehsalı olan bu romantik komediyada baş rolları Nitin, Nitya Menen, İşa Talvar və Məhəmməd Əli canlandırıblar.