Vida

Bruklində yaşayan çinəsilli gənc qadın vətəndə qalan nənəsinin ağır xəstəliyə düçar olduğunu öyrənir. Həkimlər qocaya az ömür biçsələr də, ailəsi bu qara xəbəri ondan gizlətməyə qərar verir. Qohumlar yaşlı qadının son günlərini qorxu və kədər içində keçirməsini istəmirlər.

Bütün ailə üzvlərinin nənə ilə sağollaşması üçün təcili və inandırıcı bəhanə tapılır: əslində evlənmək fikri olmayan nəvənin qondarma toyu təşkil edilir. Hər kəs şadlıq məclisi adı ilə bir araya gələrək sirri qorumağa və vida anlarını gizlicə bölüşməyə çalışır.

Rejissor Lulu Vanqın çəkdiyi «The Farewell» dram filmi 2019-cu ildə ABŞ və Çin kinematoqrafçıları tərəfindən istehsal olunub. Ekran əsərinin baş rollarında Akvafina, Çjou Şuçjen, İks Mayo və Lu Xun çıxış edir.