Danış

Yeni sinfə qədəm qoyan Melinda Sordino ətrafındakı hər kəsdən təcrid olunur. Əvvəllər ona yaxın olan yoldaşları qıza nifrət bəsləyir, Melinda isə heç bir müdafiə cəhdi göstərmir. O, bütün təhqirlərə səssizcə dözür və özünə yalnız rəsm çəkməkdə təsəlli tapır.

Keçmişdə kifayət qədər sevilən biri olsa da, baş vermiş naməlum hadisə hər kəsi ona qarşı qoyub. Qız hər şeyi dəyişə və onu tamamilə təmizə çıxara biləcək sirri dilə gətirməkdən çəkinir. Ətrafdakılar durmadan Melindadan danışmasını tələb etsələr də, heç kim onu dinləmək istəmir.

ABŞ istehsalı olan «Speak» dram filmi rejissor Cessika Şarzer tərəfindən çəkilib. 2004-cü ildə təqdim edilən ekran əsərində baş rolları Kristen Stüart, Maykl Anqarano, Holli Herş və Erik Layvli canlandırıb.