Venerada görüşənədək

Həmişə pozitiv və fəal olan Mia ətrafına enerji saçır, Kayl isə əksinə, özünə qapanaraq həyata olan marağını büsbütün itirib. Tale bu iki fərqli gənci bir-birlərinə ən çox ehtiyac duyduqları məqamda qarşılaşdırır. Mia doğma anasını tapmaq üçün Amerikadan İspaniyaya yollanmağa hazırlaşır və bu səfərdə Kaylın onunla getməsini təkidlə xahiş edir.

İnadkar qızın təklifini qəbul edən oğlan onunla birgə yola çıxır. İspaniya boyu davam edən birgə axtarışlar hər iki gəncin hisslərinə aydınlıq gətirməyə, sevgini və varlığın mənasını yenidən kəşf etməyə imkan yaradır.

«Venerada görüşənədək» (See You on Venus) dram filmi rejissor Xoakin Lyamas tərəfindən çəkilib. 2023-cü ildə ABŞ-da istehsal olunmuş layihənin baş rollarında Virciniya Qardner, Aleks Ayono, Rob Estes və Eovin Naybi Kriqer yer alıb.