Krotkaya

Gənc qadının pəncərədən atılaraq həyatına son qoymasından sonra əri baş vermiş faciə ilə təkbaşına qalır. O, bir neçə saat əvvəl dünyasını dəyişmiş həyat yoldaşının cəsədi önündə çaşqın düşüncələrə qərq olur.

Kişi keçmişi xatırlayaraq qarışıq fikirlər içində birgə yaşadıqları günləri təhlil etməyə çalışır. O, sevdiyi qadını bu ölümcül addımı atmağa vadar edən səbəbləri öz monoloqunda anlamağa cəhd göstərir.

«Krotkaya» adlı fransız dram filmi 1969-cu ildə rejissor Rober Bresson tərəfindən çəkilib. Baş rolları Dominik Sanda, Qi Franjen, Ceyn Lobr və Klod Ollye canlandırıblar.