Məhəbbət qəribəlikləri

1982-ci ilin qızmar yayında bütün Siciliya İtaliya yığmasının dünya çempionatındakı oyunlarına köklənib. Həmin vaxt Canni və Nino adlı iki yeniyetmə təsadüfən mopedləri ilə toqquşurlar. Bu gözlənilməz hadisə onların arasında möhkəm dostluğun yaranmasına və tədricən daha dərin duyğulara çevrilməsinə səbəb olur.

Yeniyetmələrin bu yaxınlığı həm ailələri, həm də həmyaşıdları tərəfindən qınaq və narazılıqla qarşılanır. Ətrafdakı insanlar onların hisslərini qəbul etmək istəmir. Cəmiyyətin təzyiqinə və qərəzli yanaşmasına baxmayaraq, iki gənc öz duyğularını və azadlıqlarını qorumağa çalışır.

İtaliya istehsalı olan «Stranizza d'amuri» dram filminin rejissoru Beppe Fiorellodur. 2023-cü ildə təqdim edilmiş ekran əsərində baş rolları Samuele Segreto, Gabriele Pizzurro, Simona Malato və Fabritsiya Sakki canlandırıb.