İsmael

Səkkiz yaşlı İsmael Çou heç kimə xəbər vermədən Madridi tərk edərək Barselonaya gedən qatara minir. Uşağın məqsədi heç vaxt görmədiyi atası Feliks Ambrosu tapmaqdır. Bu axtarışda onun yeganə ipucu anasına göndərilmiş məktubun üzərindəki şəhər ünvanıdır.

Ünvana çatan balaca qonağı mənzildə atası deyil, əlli yaşlarında zərif bir qadın qarşılayır. Nora adlı bu xanım Feliksin anası, dolayısı ilə İsmaelin doğma nənəsidir. Uşağın bu qəfil gəlişi bir-birindən ayrı düşmüş ailə üzvlərini illər sonra keçmişləri ilə üz-üzə qoyur.

2013-cü il istehsalı olan «İsmael» dram filminin rejissoru Marselo Pinyeyrodur. İspaniya istehsalı olan bu ekran əsərində əsas rolları Belen Rueda, Mario Kasas, Serxi Lopes və Ella Kveku canlandırıb.