Garden State

Televiziya aktyoru Endrü Larcman uzun illərdir həyatından narazıdır və mütəmadi olaraq antidepresantlar qəbul edir. On il sonra anasının dəfn mərasiminə qatılmaq üçün doğma şəhərinə qayıtmalı olur. Qəhrəman burada epilepsiyadan əziyyət çəkən Sem adlı qızla tanış olur.

Bu tanışlıq Endrünün uzun müddətdir yaşadığı emosional gərginliyi aradan qaldırmağa və ətrafındakı dünyaya fərqli nəzərlərlə baxmağa təkan verir. Lakin keçmişlə tam vidalaşmaq üçün o, psixoloq olan atası ilə üzləşməli və öz problemləri olan Semə dəstək göstərməlidir.

«Garden State» filminin rejissoru həm də baş rolu canlandıran Zak Braffdır. Komediya, dram və melodram janrlarını birləşdirən bu Amerika filmində Natali Portman, Piter Sarsqaard və İen Holm da çəkilib. Ekran əsəri 2003-cü ildə istehsal olunub.