Metro

Moskvanın mərkəzində aparılan irimiqyaslı tikinti işləri yeraltı yollara ziyan vurur və iki stansiya arasındakı tunelin divarında çat əmələ gəlir. Moskvanın çayından sızan su qısa müddətdə yolu basır və yüzlərlə sərnişini daşıyan qatar daşqının ortasında qalır. Güclənən su axını təkcə yeraltı keçidləri deyil, bütöv bir şəhəri təhlükə altına qoyur.

Fəlakət zonasında şəhər xəstəxanasının həkimi Andrey Qarin və qızı Ksyuşa da var. Andrey digər insanları xilas etməyə çalışarkən həyat yoldaşının sevgilisi ilə çiyin-çiyinə mübarizə aparmaq məcburiyyətində qalır. O, ailəsini qorumaq üçün incikliyini və qorxusunu kənara qoymalıdır.

2012-ci ildə çəkilmiş «Metro» filminin rejissoru Anton Meqerdiçevdir. Ekran əsərində əsas rolları Sergey Puskepalis, Anatoli Belıy, Svetlana Xodçenkova və Anfisa Vistinqauzen canlandırıb.