Ən yaxşı dost

Qanunsuz it döyüşlərinin keçirildiyi yerdən qaçmağı bacaran yaralı alman çoban iti küçələrdə gizlənməyə məcbur olur. Zibil qutularının yaxınlığında çarəsiz halda qalan heyvanı balaca Peqqi tapır. Qızcığaz iti qorumaq üçün onu evlərinin qarajında gizlədir və ona qulluq etməyə başlayır.

İtin təhlükəsizliyi çox çəkmir, çünki keçmiş sahibləri Layl və Merser onun ardınca düşürlər. Döyüşlərdən qazanc götürən bu amansız adamlar iti tapıb geri qaytarmaq niyyətindədirlər.

ABŞ istehsalı olan «Duke» dram filmi 2018-ci ildə rejissor Patrik Ri tərəfindən çəkilib. Ekran əsərində əsas rolları Rayan O’Nan, Ketlin Uorfel, Metyu C. Lindblom və Bruklin Fank canlandırıblar.