Dağıntı

Həyat yoldaşının qəfil ölüm xəbərini alan Devis heç bir kədər hiss etmədiyini anlayır. Xəstəxanadakı ticarət aparatında ilişib qalmış şirniyyat paketi isə onun daxilində qəribə bir prosesin başlanğıcına çevrilir. Şirkətə şikayət yazmaq qərarına gələn Devis məktublarında öz taleyindən və dünyasını dəyişən xanımı ilə olan münasibətlərindən bəhs etməyə başlayır.

Bu səmimi etiraflar şirkətin meneceri Karenin diqqətini çəkir və o, Devisə cavab verir. Həmin ərəfədə qəhrəman ətrafındakı əşyaları məhv etmək istəyinə qapılır. O, iş yerindəki cihazları, məişət texnikasını sıradan çıxarır və tədricən öz evini yerlə-yeksan etməyə girişir.

«Demolition» filmi 2015-ci ildə ABŞ-da rejissor Jan-Mark Valle tərəfindən ekranlaşdırılıb. Baş rolları Ceyk Cillenhol, Naomi Uotts, Kris Kuper və Cuda Lyuis canlandırıblar.